ဘာကြိုးမှ ချည်နှောင်မထားဘူး...
သံယောဇဉ်လို့ ခေါင်းစဉ်တပ်ရအောင်
အိပ်မက်ထဲမှာတောင် မဆုံဖူးတဲ့... မျက်ဝန်း
ဘယ်လိုဥတုမျိုးပါလိမ့်
နေမပူ... မိုးမရွာ... မြူလဲမဆိုင်းပဲ
ဥသြတွေက အေးစက်စက် တွန်ကြူးနေကြတယ်...
ပင့်သက်ကိုတောင် ရဲရဲမှုတ်မထုတ်ရဲဘူး....
အဲလို သတိရမှုက လူတောမတိုးတဲ့ ငါ့စက္ကန့်တွေပေါ့...
မှတ်စုစာအုပ်ထဲ တခါပဲချရေးဖူးတဲ့ သူ့နာမည်ကို
တိတ်တဆိတ်လှန်ကြည့်ရင်း ညတွေကို အိပ်မက်လှစေခဲ့ဖူးသူ
ယုံစေချင်တယ်
လည်ပတ်နေတဲ့နှလုံးသွေးတွေက အဲဒီအားနဲ့ နီရဲနေခဲ့တာ...
အငိုတိတ်ခေါင်းမော့ရင်း ကိုယ့်မျက်ရည်ကို ကိုယ်သုတ်
မနက်ဖြန်မှာအတွက် သော့က ငါ့လက်ထဲမှာ…
မိုးလင်းမိုးချုပ် တစ်ယောက်ထဲ လျှောက်ပေမဲ့ နွေးထွေးခြင်းကို
ငါရှုရှိုက်မိတယ်…
စာနာပါ ဒါမှမဟုတ် ခွင့်လွှတ်ပါ...
...စိတ်ကူးယဉ်ပြီး ရူးနေသူ...
.....
မြငြိမ်းငယ်
26th-Nov-2008/ 01:07
သူငယ်ချင်း အရိုးခေါင်း Aတွက် မှတ်မှတ်ရရ ရေးမိသောကဗျာ
Subscribe to:
Post Comments (Atom)
No comments:
Post a Comment