ကြယ်များသည် ပိုးစုန်းကြူးများကဲ့သို့ ဖြစ်လာမည်ကို
မကြောက်ကြချေ။
…
ဖန်မီးအိမ်သည် မြေမီးခွက်က
သူ့အား ဆွေမျိုးသားချင်းအဖြစ် ခေါ်ရမည်လားဟု
ဆူပူကြိမ်းမောင်းနေစဉ်
လထွက်သောအခါ ပျူငှာစွာပြုံးလျက် လ အား
“ငါ၏ ချစ်စွာသော
ချစ်လှစွာသော မမ”ဟု
ခေါ်လိုက်လေသည်။
…
မိမိကိုယ်ကို
ကြီးမားစွာ နှိမ့်ချလာသောအခါ
ငါတို့သည် ကြီးကျယ်ခြင်းနှင့် အနီးဆုံးသောနေရာသို့
ရောက်ရှိလာကြ၏ ။
…
ဘုရားသခင်သည် လူသားတို့အပေါ်၌
စိတ်မကုန်သေးဟူသော သတင်းစကားကို
ကလေးသူငယ်တိုင်း ယူဆောင်လာကြကုန်၏ ။
…
သေခြင်းတရား၌ အများစုသည် တစ်ခုဖြစ်လာ၏
ဘဝ၌ တစ်ခုသည် အများဖြစ်လာ၏
ထာဝရဘုရားသခင် ကွယ်လွန်သောအခါ
ဘာသာတရားသည် တစ်ခုတည်း ဖြစ်သွားလိမ့်မည်။
…
နှင်းစက်က ရေကန်အား
“သင်ကား ကြာဖက်အောက်ရှိ နှင်းစက်ကြီးတည်း
ငါကား ကြာဖက်ပေါ်ရှိ နှင်းစက်ငယ်တည်း” ဟု
ပြောလိ်ုက်၏ ။
…
ဓားသွား၏ ထက်မြက်ခြင်းကို ကာကွယ်ပေးရင်းဖြင့်
ဓားအိမ်သည်
မိမိ၏ ဘဝကို အတုံးခံကာ ကျေနပ်နေ၏ ။ ။
ရေးသားသူ ။ ။ ရာဘင်ဒြာ နသ် တဂိုး
ဘာသာပြန်သူ ။ ။ မောင်သန့်စင်
Digitalize by ။ ။ အရိုးခေါင်း
Subscribe to:
Post Comments (Atom)
No comments:
Post a Comment